Францускиот крилен центар Герсон Јабуселе игра во НБА од 2024 година, првично потпиша со Филаделфија, а моментално игра за Њујорк. Сепак, неговото време на играње е многу помало отколку што очекуваше, па ги разгледува понатамошните опции, иако има договор до летото 2027 година. Една од нив дефинитивно е враќање во Европа, каде што успешно го носеше дресот на Реал Мадрид три години и претходно една сезона на Асвел.
- Добро прашање. Не знам што ќе се случи, но не исклучувам ништо. Беше тешко да се вратам во НБА и размислувам да останам, но ќе видиме какви можности ќе се појават. Ќе има разговори. Ќе видиме какви се опциите во Европа – рече Јабуселе.
Сигурно е дека многу тимови би го пречекале со раширени раце. Сепак, тој неодамна изјави дека сака да остане во НБА што е можно подолго за да добие бројни бенефиции.
