Граѓанската иницијатива „Охрид СОС“ алармира за каллива вода што се испушта деновиве во Охридското Езеро.
Според нив, случајот предизвикува загриженост кај јавноста, бидејќи станува збор за најголемото природно богатство на регионот.
Од ЈП „Колекторски систем“ Скопје, подружница Охрид, појаснуваат дека водата не е отпадна, туку потекнува од исцрпувањето вода создадена при градежните активности над бензинската пумпа „Лукоил“, на булеварот „Туристичка“.
– На терен излезе надлежниот инспекторат, како и екипи на ЈП „Нискоградба“ и ЈП „Колекторски систем“, со цел да се провери состојбата и да се преземат мерки – информираат од претпријатието.
Граѓаните, пак, бараат институциите построго да ги следат сите градежни зафати во близина на езерото за да се спречи негово загадување.
