Шефицата за надворешна политика на Европската унија, Каја Калас, изјави дека за денес свикала итна видеоконференција на министрите за надворешни работи на ЕУ за да разговараат за Иран и случувањата на Блискиот Исток.
„Недискриминирачкиот напад на иранскиот режим врз неговите соседи ризикува да го вовлече регионот во поширока војна и ние го осудуваме“, напиша Калас во објава на платформата X. Таа рече дека е „од суштинско значење војната да не се прошири понатаму“. „Иранскиот режим мора да донесе одлуки“, заклучи Калас.
Соединетите Американски Држави и Израел го нападнаа Иран во саботата наутро во она што го нарекоа „превентивни напади“ што следеа по неуспехот на неколку рунди разговори за нуклеарната програма на Иран, објави „Танјуг“.
Потоа Иран започна масовни одмазднички напади врз Израел и цели поврзани со САД низ Блискиот Исток, а иранскиот министер за надворешни работи, Абас Аракчи, изјави дека земјата ќе продолжи да го користи своето „вродено и легитимно право на самоодбрана“ сè додека тековната агресија на САД и Израел не заврши „целосно и недвосмислено“.
ИЗДВОЕНИ
ЖИВОТНИ ПАТОКАЗИ, ЗОРАН КРСТЕВСКИ: Неосвестени луѓе
Иран jа потврди веста за смртта: Прогласени се 40 дена национална жалост поради атентатот врз ајатолахот Хамнеи
МНР формира кризен штаб поради состојбата на Блискиот Исток – апел до граѓаните да избегнуваат патувања
Блискиот Исток е во пламен: Техеран испрати ракети кон Абу Даби и Бахреин ФОТО/ВИДЕО
