Како почна? Сведоштво на очевидец кој прв го забележал и пријавил пожарот што ја проголта зградата „Вјесник“/ВИДЕО

Синоќа околу 23:10 часот, избувна пожар во облакодерот „Вјесник“ на Славонска авенија во Загре, а зградата беше целосно изгорена до утрово.

Според пожарникарите, имало само една пријава од граѓани. Индекс.хр разговарал со млад човек,, кој живее во непосредна близина на „Вјесник“. Како што раскажа за порталот, тој ги повикал пожарникарите.

„Гледав низ прозорецот и видов нешто портокалово во еден од прозорците на Вјесник, не бев сигурен што е тоа, дали некој вклучил портокалово светло. Но, потоа продолжив да го гледам и видов отворен пламен како излегува низ прозорецот.
Јавив во противпожарната служба, мислам дека беше 23:01 часот. Им кажав каде гори, мислам дека беше на 15-ти кат. За неколку минути пристигнаа пет противпожарни возила, а наскоро пристигнаа и уште“, раскажува Марин за Индекс.

Утро по пеколната ноќ: Од облакодерот „Вјесник“ остана само црна изгорена силуета

„Набрзо ја блокираа Савска. Ги видов како се искачуваат на 15-ти кат и гледав како гаснат. Во Вјесник беше темно, па пожарникарите добро се гледаа. Сепак, потоа покривот почна да гори. Откако и него го изгаснаа, се чинеше дека пожарот во „Вјесник“ е изгаснат, а потоа неколку ката подолу пожарот повторно избувна. До еден часот не изгледаше драматично, но потоа се запали и ја зафати целата зграда“, раскажа Марин, кој мисли дека пожарот можеби се проширил низ инсталациите.