Како е Алјаска избрана за средбата Трамп-Путин: Лукашенко ги изнесе деталите

Алјаска беше избрана за средбата меѓу рускиот и американскиот претседател делумно поради приговорите на белорускиот лидер Александар Лукашенко дека Рим нема да биде прифатливо место за средбата.

Лукашенко се осврна на средбата меѓу претседателите Владимир Путин и Доналд Трамп на прес-конференција во Минск во петокот.

„Малку е егзотично, но убаво, што Трамп го покани Путин на Алјаска“, рече белорускиот претседател.

-Путин ми се јави претходно и ми рече: се зборува за Рим, Женева, Турција, Емиратите итн. И му реков: а, ние православните треба да одиме во Рим… Да, вели тој, разбирам. И потоа го отфрливме сето тоа и рековме, ќе почекаме што ќе предложат Американците, додаде Лукашенко.

Тој го пофали самитот во Алјаска минатиот петок и додаде дека Трамп „одлично ја одигра својата улога како медијатор во руско-украинскиот конфликт“.

– Апсолутно не се согласувам со наодите и заклучоците што новинарите и разните „експерти“ ги презентираат на оваа тема, дека Путин добил повеќе таму, Трамп помалку, рече Лукашенко. „Ако не разбирате основна дипломатија, тогаш не давајте проценки“.

Според него, Трамп „ја открил позицијата на Русија во овој конфликт и разбрал што сака Русија“, што може да биде важно за мирно решавање на конфликтот.

Во исто време, позицијата на Русија е поважна за иднината на мирот отколку на Украина, бидејќи Русија „доминира на фронтот“, додека Киев мора да склучи мир што е можно поскоро за да не остане ништо од Украина, заклучи Лукашенко.