Градоначалникот на Општина Штип, Иван Јорданов, им додели 41 стипендија на спортистите од оваа општина. Единаесет стипендии се во висина од 3.000 денари, 21 спортска стипендија во висина од 4.000 денари, седум стипендии во висина од 5.000 денари и по една стипендија од по 6.000 и 7.000 денари им беа доделени на штипски спортисти.
Од Општината информираат дека покрај успесите во спортот, услов за доделување на стипендијата бил и спортистите да бидат и одлични ученици. Пристигнати биле преку 60 апликации.
– Во име на транспарентноста на целиот процес беше формирана комисија составена од неколку членови, претставници од Советот на Општина Штип, претставници од новинарите, претставници од вработените во рамки на локалната самоуправа од Одделението за спорт, кои ги разгледаа сите апликации – рече Јорданов.
Оваа мерка на Општина Штип е голема поддршка за младите спортисти, кои ќе имаат многу поголем мотив во иднина да продолжат за уште поголеми успеси.
ИЗДВОЕНИ
Земаат илјадници евра капар и исчезнуваат, барам мајстор или си ја барам бељата на „Фејсбук“
Тројца го претепале до смрт Панче пред казино во Кавадарци: Психијатри ќе утврдуваат дали свесно го усмртиле
Погодена зградата на делегацијата на ЕУ во рускиот удар на Киев/ФОТО
Отворен 82-от Венециски филмски фестивал, Златен лав за животно дело на Вернер Херцог
