Легендарниот италијански кошаркар и поранешен соиграч на Никола Јокиќ во Денвер, Данило Галинари, вели дека немал поим дека Србинот ќе прерасне во еден од најдобрите играчи во НБА-лигата.
Галинари се присети како било сè на почетокот на неговата кариера во НБА и откри како го мотивирал Србинот да стане уште подобар.
Галинари ја заврши својата одлична кариера на крајот од минатата година, а со Јокиќ соработуваше од 2015 до 2017 година, кога се пресели во Лос Анџелес Клиперс.
- Не мислев дека ќе биде најдобриот играч на светот. На крајот од неговата втора сезона во Денвер, почна да бележи трипл-дабл резултати. Кога имаше три или четири трипл-дабл на крајот од сезоната, само си реков: „Добро, сега го направи тоа, но ќе мора да продолжиш да го правиш тоа“. Мислам дека ме послуша затоа што за него, трипл-дабл е како за нас да пиеме кафе наутро, рече новопензионираниот играч.
Тој откри како Никола се трансформирал од детето што бил – повлечено, кое само играло игри во својата соба.
- Не зборуваше многу. Кога одевме на пат, постојано играше игри, не излегуваше од својата соба. Секако, сега сè се промени, тој е лидер на тимот, ја изгради својата самодоверба, тимот верува во него, вели познатиот ас.
Прашање на време е кога повторно ќе го видиме Никола Јокиќ на теренот, кој мораше да паузира поради повреда на коленото. Сите се надеваат дека ќе се врати до крајот на јануари, за да продолжи со потрагата по четвртата титула за најкорисен играч.
