Набавена е нова противпожарна опрема за потребите на ЈКП „Илинден“. Притоа се обезбедени 15 противпожарни метли и 10 грбни прскалки за гаснење пожари, како и нова опрема за одржување на јавната чистота: моторни косилки – тримери, моторна пила, бензинска косилка и моторна прскалка – дувалка.
Градоначалникот на Општина Илинден, Александар Георгиевски, истакна дека континуираното обновување на механизацијата и на опремата е клучно за брзо, квалитетно и ефикасно извршување на комуналните услуги. Тој нагласи дека набавката на противпожарна опрема е од особена важност бидејќи значително го зголемува капацитетот за помош при интервенции во случај на пожар.
–Јавното комунално претпријатие „Илинден“ и понатаму ќе продолжи да ги извршува своите редовни надлежности за собирање и транспортирање на комунален отпад, одржување на јавната чистота, уредување на парковите и на зелените површини, одржувањето на улиците, сообраќајниците и пешачките патеки, како и на јавното осветлување. Со новата опрема, ЈКП „Илинден“ ќе може, исто така, уште поактивно да учествува и да помага при гаснењето пожари, со што ќе придонесе за поголема безбедност и за заштита на граѓаните и на јавните површини – соопштија од Општина Илинден.
ИЗДВОЕНИ
Ни со повластена стапка не се купува стан со просечна плата
Побарана отштета за загубената надеж на 222 оштетени од коруптивниот синџир кој ги зароби младите во дискотеката на смртта
Мајката на загинатиот Томас: Судијката ни дава искра надеж
„Кермес“ 19 години зјае како сениште, а „Езерце“ стои како руина
