Јирген Клоп за прв пат јавно коментираше како изгледа тимот на Ливерпул под водство на Арне Слот.
Поранешниот менаџер на Ливерпул изјави дека се прашува дали сегашниот тим на Ливерпул под водство на Арне Слот е премногу напаѓачки ориентиран.
Ова беше прв пат Клоп да коментира за „црвените“ откако ја напушти клупата. Германскиот стручњак исто така нагласи дека тимот од „Енфилд“ можеби ќе мора да игра поконзервативно во остатокот од сезоната.
Клоп го напушти Ливерпул во летото 2024 година по девет исклучително успешни години, во кои одигра 491 натпревар и освои седум големи трофеи!
Тој ги освои Премиер лигата и Лигата на шампионите, а неговата работа на „Енфилд“ буквално го трансформираше клубот, кој стана еден од најдоминантните и најстрашните тимови во светскиот фудбал!
Него го замени Арне Слот, поранешен тренер на Феенорд, кој ги надмина очекувањата во својата дебитантска сезона во Ливерпул, освојувајќи ја титулата во англиската Премиер лига со десет бода разлика.
Иако Ливерпул ја започна сезоната силно со пет победи во првите шест кола, добар дел од успехот дојде благодарение на доцните голови против Бурнемаут, Њукасл, Арсенал и Барнли.
Во дербито против Евертон, тие едвај ја одбранија својата предност, а на следните натпревари забележаа дури пет порази и само една победа.
Клоп сега во интервју за „Атлетик“ нагласи дека тимот на Слот можеби е премногу отворен и ориентиран кон напад.
„Ливерпул игра со специфичен стил, навистина многу добро, многу ориентирано кон напад, но постои ризик дека се премногу изложени поради тоа. Тоа се различни пристапи, да го кажеме така“, рече Клоп.
ИЗДВОЕНИ
Ќе правиме ручек и ќе переме прекуден, на евтина струја?!
Реконструкција на Влада засега нема, но се размислува за кадровски смени
Ѓорѓиевски ги најави и следните чекори: 60 приватни автобуси се пуштат во јавниот превоз, активирани 40 камиони за собирање на смет, ревизија во јавните претпријатија…
Орце Ѓорѓиевски го доби уверението за градоначалник, вечерва во 20.30 часот започнува акцијата за чистење на Скопје
