Јелена Томашевиќ со сопругот Иван Босиљчиќ, купија луксузен апартман во Грција, во близина на Света Гора

Паметно ги вложија парите!

Пред некоја летна ноќ, во Античкиот театар во Охрид, уживавме во успешниот концерт на популарната српска поп-пејачка Јелена Томашевиќ, која, веднаш по настапот, брзаше што побрзо да стигне до својот неодамна купен апартман во Грција. Таа и нејзиниот сопруг, актерот Иван Босиљчиќ, што значи дека не се разведени, иако ги озборуваат за тоа, паметно ги вложија заработените пари во скапоцен, луксузен покрив над главата –  на самиот брег на топлото Егејско Море.               На Иван му е многу мило што нивниот апартман е во близина на Света Гора, бидејќи е голем верник, а на Јелена што најпосле си ја исполни овоземната желба да живее барем седум-осум месеци (со мештаните) на море. Да го почувствува тој секојдневен морски живот. Ете така работат паметните, но и снаодливите, со парите. Недвижностите никогаш не пропаѓаат, а особено големо задоволство се за сите сетила кај оние крај големата сина солена вода. Сега Јелена и Иван го имаат тоа за себе.     (Д. М.) фото:Инстаграм