Јелена Докиќ итно примена во болница: Лекарите ѝ кажале дека мора да се оперира

Легендарната тенисерка Јелена Докиќ беше примена во болница по натпреварот на Отвореното првенство на САД, кој таа го коментираше. На Докиќ ѝ се слоши и во рок од еден час веќе беше во болница поради, како што вели, проблем што го имала долго време, а кој го игнорирала. Се јави од болницата и објаснила дека сега е многу подобро.

Како што раскажала, Јелена Докиќ има голем фиброид на матката што го „потценувала, а лекарите ѝ рекле дека е нешто безопасно“, додавајќи дека симптомите се влошиле во последните месеци и дека ова е предупредување за сите жени. Таа имала силни болки и обилно крвавела, што ќе бара операција подоцна оваа година.

„Сакав да го споделам ова како потсетник и предупредување за здравјето, особено жените и нашето репродуктивно здравје. Имам прилично голем фиброид (неканцерогено задебелување на матката). Беше отпишано како нешто неважно (многу жени го имаат и живеат со него). Наводно. Што и да значи тоа. И додека тоа навистина може да биде случај, да, многумина го имаат без поголеми проблеми, има и доста жени кои се погодени од големината, болката, воспалението и крвавењето што ми се случи. Ќе ми треба операција подоцна оваа година за да го отстранам“, напиша Докиќ на „Инстаграм“.