На 3 февруари 2026 година, во просториите на Амбасадата на Јапонија,Амбасадорката на Јапонија во Република Северна Македонија,Н.Е. Сецуко Кавахара, потпиша два договори за грант, со др. Ирфан Ахметидиректор на ЈЗУ Универзитетска Клиника за Ендокринологија, Дијабетес и Метаболички заболувања и г-н Дејан Владев, градоначалник на општина Свети Николе, преку „Грант програмата за мали проекти за човекова безбедност (GGP)“, која има за цел подобрување на основните човекови потреби.
Проектот за обезбедување на ехо апарат за ЈЗУ Универзитетска Клиника за Ендокринологија, Дијабетес и Метаболички заболувања, во вредност од49,526 евра, ќе помогне за подобрување на квалитетот на здравствените услуги за граѓаните. Проектот за обезбедување на теренско противпожарно возило за општина Свети Николе, во вредност од 32,430евра, ќе помогне за заштита на животната средина, соопштија од Амбасадата.
Од 1996 година, преку GGP програмата, Јапонија има обезбедено грант поддршка запроекти во 60 општини, за реновирање и набавка на опрема и возила за повеќе од 77 училишта и градинки, 74 здравствени установи и обезбеди 39 специјализирани возила (амбулантни возила, против пожарни возила и возила за управување со отпад), во вредност од околу 10 милиони евра.
ИЗДВОЕНИ
Сообраќајките ја чинат државата повеќе од 400 милиони евра годишно, повеќе од целиот армиски буџет
Крената Шенген-рампата и за камионџиите и за автобусчиите
Децата цел на разбојници – ќе се врати ли „маалскиот полицаец“ да нè чува?
Убава вест од Брисел: Професионалните возачи ќе можат да влегуваат во Шенген зоната без да им се бројат деновите за престој!
