Член на израелскиот парламент и претставник на радикално десничарската ционистичка партија, Цви Сукот, изјави во живо во емисија дека Израел убил повеќе од сто жители на Газа преку ноќта – и дека никому не му е гајле.
За време на дебатата на израелскиот Канал 12 со коментаторот Хаим Левинсон, Сукот рече дека израелските безбедносни сили се способни да дејствуваат на повеќе фронтови истовремено и да користат сила каква што „не можел ни да замисли“ кога оваа влада беше формирана пред повеќе од две години.
„Синоќа беа убиени речиси 100 жители на Газа. А прашањето што ми го поставивте нема никаква врска со Газа. Дали знаете зошто? Затоа што никому не му е гајле. Сите се навикнаа на фактот дека можеме, среде војна, да убиеме 100 луѓе во Газа за една ноќ, а никому не му е гајле“, рече Сукот, очигледно алудирајќи на фактот дека настаните од војната, кои некогаш привлекуваа големо внимание во Израел и во светот, денес минуваат речиси без реакција, објавува „Тајмс оф Израел“.
Zvi Sukkot, parlamentare israeliano celebra l’indifferenza occidentale al GENOCIDIO coloniale.
“La scorsa notte sono stati uccisi 100 palestinesi, tutti si sono abituati al fatto che 100 palestinesi possono essere uccisi in 24ore e non importa a nessuno”.pic.twitter.com/jqC0vIaHra— Rula Jebreal (@rulajebreal) May 17, 2025
