Израелски политичар: „Стануваме изопачена држава која убива деца како хоби!“

Водечкиот израелски опозициски лидер Јаир Голан во вторникот рече дека неговата земја станува држава која убива деца како хоби, во досега најостра критика за израелскиот геноцид во Газа од страна на израелска јавна личност.

„Израел е на пат да стане развратна земја, како што беше Јужна Африка порано, ако не се вратиме да се однесуваме како нормална земја“, рече Голан, левичарски политичар и лидер на опозициската партија Демократи, во интервју за израелската јавна телевизија КАН.

„Нормална земја не води војна против цивили, не убива бебиња како разонода и не поставува цели за масовно протерување на население“, изјави Голан. Тој ги спореди постапките на израелската влада со политиките на апартхејд во Јужна Африка и рече: „Еврејскиот народ, кој низ историјата претрпе прогони, погроми и геноциди, денес презема дејствија кои се апсолутно несовесни.“

Неговите изјави предизвикаа остри реакции кај премиерот Бенјамин Нетанјаху и членовите на неговата влада, кои продолжуваат да ги игнорираат меѓународните повици за прекин на бруталната војна против Газа. Нетанјаху изјавите на Голан ги нарече „крвава клевета“ и „дива запалива реторика“.

„Силно ја осудувам дивата запалива реторика на Јаир Голан против нашите херои, војници и против државата Израел“, рече Нетанјаху, тврдејќи дека израелската армија е „најморалната армија во светот“.

Министерот за одбрана, Јоав Галант, ги оцени како „одвратна крвна клевета“, додека крајно десничарскиот министер за финансии, Безалел Смотрич, обвини дека Голан „свесно шири лаги и го оцрнува Израел и израелската армија во очите на светот“.

Сепак, поддршка за Голан стигна од поранешниот премиер Ехуд Барак, кој го нарече „храбар и директен човек“, појаснувајќи дека критиката на Голан се однесува на политичките одлуки на владејачките лидери, а не на самите војници.