Израелската војска пронајде тела на тројца затвореници од Газа – се огласи Нетанјаху

Додека конфликтот меѓу Израел и Иран се интензивира, израелската војска продолжува со нападите и операциите во Појасот Газа.

Имињата на идентификуваните тела се: Офра Кидер, Јонатан Самрано и наредник Шеј Левинсон.

Кидер (71) и Самрано (21) наводно биле убиени за време на нападот на Хамас врз кибуцот Бе’ери на 7 октомври 2023 година, додека Левинсон (19) го загубил животот во борба со борците на Хамас истиот ден.

– Кампањата за враќање на затворениците продолжува со несмалено темпо и се спроведува паралелно со кампањата против Иран. Нема да се откажеме додека не ги вратиме сите наши затвореници дома – живи и мртви – рече Нетанјаху.