Израелската армија ќе ја прекине дневната пауза во воените активности во Газа

Израелските одбранбени сили (ИДФ) објавија дека ќе ги укинат дневните тактички паузи во воените активности што беа воведени за дистрибуција на помош во градот Газа пред планираното преземање во 10 часот наутро денес.

Израелската војска соопшти дека градот Газа ќе стане опасна борбена зона почнувајќи од денес, објави „Тајмс оф Израел“.

Војската спроведува вакви паузи во делови од Појасот Газа во последните недели за да овозможи влез и дистрибуција на хуманитарна помош.

Во соопштението се истакнува дека израелската војска ќе продолжи да ги поддржува овие напори низ целата енклава, со исклучок на градот Газа, додека истовремено спроведува офанзивни операции против терористичките групи.

Израелската војска се подготвува за офанзива насочена кон освојување на градот Газа, каде што се засолниле околу еден милион Палестинци, околу половина од населението на енклавата.