Излезеноста на гласачите на локалните избори до 15 часот на ниво на државата изнесува 31,34 отсто, информира Државната изборна комисија (ДИК).
Процентот е изведен од обработени 3.444 избирачки места, што е 99,14 отсто од вкупниот број. Како што може да се види на веб-страницата на ДИК каде што сукцесивно се објавуваат податоците, од 1.832.415 запишани избирачи на овие избирачки места, своето право на глас до 15 часот го оствариле 570.727 граѓани.
Општина со најголема излезеност е Чашка со 53,19 отсто, по која следува Новаци со 52,84; Ранковце со 48,24 отсто и Македонски Брод со 48,21 отсто.
Најмала излезеност до 15 часот, според податоците што сукцесивно објавуваат на веб-страниуцата на ДИК е забележана во Општина Врапчиште со 14,94 отсто, а потоа се Центар Жупа со 17,12 и Шуто Оризари со 23,01 отсто.
ИЗДВОЕНИ
До 17:00 часот, на два часа пред затворањето на гласачките кутии, излезноста е 39,61 отсто
Во Прилеп се лишени од слобода две лица поради „поткуп при избори и гласање“
Локални избори 2025: До 13:00 часот излезноста е 20,12 отсто, во Скопје е 20,07 отсто, соопшти ДИК
ЈО: До овој момент, локалните избори течат генерално мирно и без поголеми нарушувања на изборниот процес
