Избори во Србија, Вучиќ откри кога!

Српскиот претседател Александар Вучиќ изјави денеска дека изборите ќе се одржат „во следната година и половина“ и дека ќе бидат распишани кога „надлежните институции ќе донесат одлука за тоа“.

Вучиќ рече дека досега не добил барање од ниту една „надлежна“ институција за распишување предвремени парламентарни избори „ниту во писмена, ниту усна форма“.

„Секогаш сум подготвен да ги разгледам сите барања. Избори ќе има во следната година и половина кога за тоа ќе донесат одлука надлежните институции, а не ненадлежните организации кои немаат никакви прерогативи на властите да одлучуваат за тоа“, рече Вучиќ во Тирана, каде што присуствува на самитот на Европската политичка унија (ЕПЗ).

Претходно, дел од студентите во блокадата најавија радикализација на протестот доколку до средината на мај не се распишат вонредни избори.

„Што се однесува до радикализацијата, сè си има свој начин. Колку помалку ги има, нервозата ќе биде поголема. На 11 декември реков дека нема да прифатат исполнување на барањата, дека тоа се само трикови и дека зад тоа се крие политика и обоена револуција. Сега сфативме дека се работи за политика“, рече Вучиќ.

Тој оцени дека станува збор за „гола, најлоша политика“ која, според неговите зборови, влегла на факултетите во Србија.

„Не смее да има политика на факултетите, се што прават е спротивно на законот“, додаде Вучиќ.