Итудис не се плаши од отказ

Димитрис Итудис не е загрижен за својата работа по елиминацијата од Суперкупот. Екипата на Хапоел Тел Авив загуби од својот истоимен тим од Ерусалим петтипат по ред и беше елиминиран од Суперкупот. Ова значи дека тој остана без уште еден трофеј сезонава.

• Ова беше наша цел и сакавме да одиме докрај, но, сепак, имаме две многу важни цели. Сакавме да победиме. Тимот има многу добар дух, секој тим има свои подеми и падови. Знаевме дека ќе дојдат овие кризни моменти, сакавме да ги избегнеме, но, без сомнение, тоа е нешто што се случува и сега е дел од нашето патување. Знаевме дека ќе биде тешка оваа фаза, секако, имавме и повреди – посочи Итудис.

Се зборуваше дека дури може да биде отпуштен, но очигледно е дека Гркот не е загрижен за својата работа.

• Ја чувствувам поддршката од менаџментот, имам долгорочен договор тука и сакаме да изградиме нешто. Градењето нешто е процес. Офер Јанај дојде и одржа добар говор, тој е религиозен човек, а, сепак ,доаѓа во сабота за да биде со нас. Мораме да покажеме карактер и колку сме обединети сега, во тешки времиња, бидејќи кога победуваш, сите те тапкаат по грбот и велат дека си најдобар. Во тешки времиња гледаш кои се твоите вистински пријатели – објасни Итудис.