Контроверзното видео ги прикажува рускиот претседател Владимир Путин и кинескиот претседател Си Џинпинг како разговараат за можноста за продолжување на животниот век со користење на модерни технологии.
Според извештајот на Ројтерс, CCTV првично одобрила употреба на снимки од парадата, вклучувајќи го и спорниот момент од разговорот меѓу двајцата претседатели. Ројтерс го монтирал материјалот во четириминутно видео и го дистрибуирал до илјадници свои претплатници, вклучувајќи ги и најголемите светски радиодифузери. Слични материјали биле дистрибуирани и од други меѓународни агенции.
Сепак, Ројтерс во петокот добил официјално писмо од правниот оддел на CCTV во кое се барало отстранување на видеото. Кинеската телевизија тврдела дека агенцијата ги прекршила нивните услови за користење.
„Уредничката обработка на материјалот резултирала со очигледно искривување на фактите и изјавите содржани во лиценцираната снимка“, се наведува во писмото.
Ројтерс на крајот го повлече видеото, но рече дека не пронашол никаква злоупотреба од своја страна. „Внимателно го прегледавме видеото и не гледаме причина да веруваме дека е прекршена нашата долгогодишна посветеност на точно и непристрасно новинарство“, соопшти агенцијата.
За што разговарале?
Воената парада во Пекинг се одржа во среда, на 3 септември. Видеото ги прикажува двајцата лидери како разговараат додека одат кон трибините.
Преведувачот на кинескиот претседател му ги пренесе зборовите на Си на Путин: „Во минатото, луѓето ретко живееја до 70 години, но денес велат дека на 70 години сè уште си дете“.
Преведувачот потоа го пренесува одговорот на Путин до Си: „Благодарение на развојот на биотехнологијата, човечките органи можат постојано да се трансплантираат, а луѓето можат да се чувствуваат сè помлади, па дури и да постигнат бесмртност“. На тоа Си одговара:
„Прогнозите покажуваат дека постои шанса да се живее до 150 години во овој век“.
И Путин и Си Џинпинг имаат 72 години.
🎙 “At 70 you’re still a child” — Putin, Xi and Kim’s private chat accidentally caught on mic
During China’s military parade, a live mic picked up the dictators’ off-record conversation about longevity.
Xi said: “In the past, people rarely lived to 70, but nowadays at 70 you’re… pic.twitter.com/iCBQwFzVMV— NEXTA (@nexta_tv) September 3, 2025
ИЗДВОЕНИ
Спектакуларна глетка видлива и со голо око: „Крвава Месечина“ на небото низ целиот свет
Македонија го прегази Лихтенштајн со убедливи 5-0 за враќање на првото место во табелата/ФОТОГАЛЕРИЈА
Увидoт во „Винчини” не е започнат, бидејќи огнот не е изгаснат во целост
Пуштена нова делница од автопатот Кичево – Охрид
