Претседателот на Соединетите Американски Држави, Доналд Трамп, им нареди на своите адвокати во Белата куќа, во соработка со државниот обвинител, да покренат истрага за наводна злоупотреба на претседателските овластувања за време на мандатот на поранешниот претседател Џо Бајден.
Ова вклучува употреба на автоматско пенкало, за потпишување официјални документи во негово име и евентуално прикривање на неговата ментална состојба.
Во претседателскиот меморандум се наведува дека постојат „сериозни сомнежи“ за одлуките донесени за време на мандатот на Бајден, вклучително и неговото ниво на свест за тие одлуки, објави Ројтерс.
Трамп тврди дека неговите помошници „ја злоупотребиле моќта на претседателските потписи“ користејќи автоматско пенкало за да го прикријат „когнитивниот пад на Бајден“.
Бајден, на кого минатиот месец му беше дијагностициран рак на простата, ги негираше обвинувањата.
Во изјава, тој рече дека лично ги донел сите политички одлуки за време на неговата администрација, вклучувајќи ги извршните наредби, помилувањата и законските акти.
„Секое тврдење дека не сум е смешно и лажно“, рече поранешниот претседател.
Неговиот тим изјави дека користењето автоматско пенкало е стандардна правна практика откако ќе се донесат претседателски одлуки.
ИЗДВОЕНИ
Се враќаат дома! Последните двајца пациенти повредени во пожарот во Кочани по лекување во Србија се отпуштени од КЦС
Охрид SOS: Огромен објект никнува во Охридската чаршија, овде секој прави што сака!
Раздавање за душите, жед за правда – Кочани ја одбележува најтажната задушница
Онкологија во сенка на скандалот – лекови стигнуваат, но довербата не се враќа
