Испливаа деталите: Познато зошто Том Круз ја раскина деветмесечната романса со 26 години помладата Ана де Армас

Само пред неколку месеци, кубанската актерка Ана де Армас беше толку среќна што мислеше дека сонува. Работеше со полно работно време и во исто време беше емоционално исполнета поради врската со познатиот холивудски заводник Том Круз.

Акциониот филм „Балерина“ беше успех на бокс-офисот, кампањите за убавина цветаа, а нејзиното име беше на списоците со желби на бројни режисери. Сепак, извори сега откриваат дека Ана се соочила со неочекувана пресвртница во својот живот по наводната раскинување со Том Круз и одложувањето на нивниот долгоочекуван филм „Подлабоко“.

Според инсајдер, актерката се мачела да го надмине емоционалниот товар од годината што не поминала според планот.

„Ана мислеше дека оваа година ќе биде сосема поинаква, па затоа е разочарана“, изјавил извор за Дејли Меил. „Но, таа знае дека работите ќе се подобрат и продолжува понатаму. Таа сè уште е пријателка со Том. Не седи дома плачејќи“.

Ѕвездата од „Пробод во грб“ неодамна беше видена како шета низ Лос Анџелес со своето бело, меко куче, лежерно облечена во тексас шорцеви, црна маица и балетанки.

Нејзиното дискретно појавување во градот е значајно, бидејќи таа живее претежно во затскриен дел од Вермонт од почетокот на оваа година. Романсата на Ана де Армас и Том Круз започна во февруари, кога првпат се сретнаа за да разговараат за филм. Хемијата меѓу нив, според изворите, беше моментална.

На почетокот, нивната врска беше сè друго освен дискретна. До пролетта, Круз ја однесе Ана со приватен авион во Мадрид и Менорка. Тие присуствуваа на концерт на Оејзис на Вембли, ги поминаа викендите во Вудсток и беа видени како заедно ја напуштаат забавата за 50-тиот роденден на Дејвид Бекам во Нотинг Хил.

Тој бил дарежлив
„Том ја обсипува Ана со подароци од самиот почеток, тоа е негов стил, тој е внимателен“, изјави извор за Дејли Меил во јули.

„Колку повеќе се запознаваа, толку подароците стануваа пораскошни. Имаше парчиња накит како златни нараквици, дизајнерска облека… но најголемиот подарок што ѝ го даде беше слободата да оди каде било во светот кога сака.“

До летото, двојката се сметаше за нов моќен пар во Холивуд. Тие беа фотографирани држејќи се за раце и качувајќи се на хеликоптер заедно во Лондон. Сепак, како што минуваа месеците, возбудата стивна.

„Том и Ана се забавуваа одлично, но нивната врска заврши. Тие ќе останат добри пријатели, но повеќе не се во врска. Сфатија дека не можат да продолжат заедно и дека се подобри како пријатели. Искрата меѓу нив исчезна, но тие сè уште уживаат во меѓусебното друштво и двајцата се покажаа на многу зрел начин“, изјави извор за The Sun.

Сега кога филмот е одложен на неодредено време, фокусот на Ана е на себе. Актерката неодамна присуствуваше на ревијата на Луј Витон пролет/лето 2026 во Париз, а потоа беше забележана како танцува на концертот на Бед Бани во Порторико. Таа, исто така, предизвика интерес кога објави дрска фотографија со мистериозен маж за време на Неделата на модата. Сепак, изворите велат дека Ана ги прави работите чекор по чекор.

„Ана мислеше дека оваа година ќе биде сосема поинаква, па затоа е разочарана, но знае дека ќе биде подобро“, повтори инсајдер.

Том Круз, од друга страна, го одржува својот препознатлив дискретен стил откако се раздели од Кејти Холмс во 2012 година. Неговиот љубовен живот во голема мера остана подалеку од очите на јавноста, иако повремено беше поврзуван со неколку колешки.