Општина Аеродром најостро го осуди вандалскиот чин во паркот „Бановина“, каде што брутално била уништена заедничката сопственост на сите граѓани.
– Искршена е урбаната опрема, оштетена е фонтаната, а обиена е и чуварската куќа. Паркот „Бановина“ неодамна беше целосно обновен, со нова, современа урбана опрема за уживање на сите генерации. Наместо грижа и почит, сведочиме на несовесно однесување и уништување. Ваквите постапки нема да бидат толерирани, а случајот е веќе пријавен во полиција – соопштија од Општина Аеродром.
Оттаму апелираат до сите граѓани: да го чуваат она што е заедничко, да пријавуваат вандализам и да покажат дека сме зрела и одговорна заедница.
– Само така можеме да имаме уредена, безбедна и достоинствена општина. „Бановина“, а и сите други паркови се за уживање, не за уништување – јасни се од локалната самоуправа.
ИЗДВОЕНИ
Да се оди по вистинскиот пат, дури и кога е тежок – Бог се јави!
Куќата на дедо Драги светна по осум години мрак, струјата му донесе надеж, топлина и достоинство
Соѕидана правда во Македонија – 350 илјади евра бетонирани во ѕид
„Стоп за Усје“ повторно на улица: Граѓаните најавуваат блокада за подобрување на квалитетот на воздухот во Скопје
