Исчистена дивата депонија во Крњево

Службите на Општина Центар целосно ја исчистиле мини дивата депонија во Крњево. Акцијата следува по алармирањето од жителите.

– Со вакви брзи и ефикасни акции, ја потврдуваме заложбата Центар да биде чисто и безбедно место за живеење. Продолжуваме систематски и навремено да реагираме на секој проблем со јавната чистота. Наш приоритет се одржувањето на хигиената и создавањето услови за чиста и безбедна животна средина за сите жители – истакна градоначалникот на Општина Центар, Горан Герасимовски.

Тој ги повика граѓаните да продолжат да пријавуваат проблеми поврзани со јавната чистота, со цел брза интервенција на службите.

Пријавувањето на смет и диви депонии може да се изврши на телефонските броеви: 076/350-767 и 02/3203-693.