Иранската војска ги повика граѓаните на будност и обединетост – да ги спречат обидите за странски заговори

Иранската армија денес ги повика граѓаните да останат будни и обединети за да ги спречат обидите за странски заговори за дестабилизација и предизвикување немири во земјата, и да останат будни и обединети за да ги спречат непријателските планови и да ги заштитат националните интереси.

Во официјалното соопштение од Иранската војска се наведува дека непријателите, со поддршка на „криминалниот израелски режим“ и терористичките групи, се обидуваат да го нарушат редот и јавната безбедност во градовите и да предизвикаат хаос и немири.

Како што пренесува „Тасним“, војската нагласува дека станува збор за обиди за „нови заговори“ против Иран, потсетувајќи на 47-годишниот обид на американската влада да го врати влијанието во земјата.

„Денес, непријателот, чии раце беа извалкани со крв за време на 12-дневната војна, лажно тврди дека се грижи за иранскиот народ додека планира нови заговори и предизвици“, се вели во соопштението.

Иранската војска ги повика граѓаните да одржат национална будност и единство, да ги спречат плановите на непријателот и да ги заштитат националните интереси.

„Под команда на Врховниот командант на вооружените сили, ајатолахот Али Хамнеи, армијата, заедно со другите вооружени сили, целосно ги следи непријателските активности во регионот, ја заштитува стратешката инфраструктура и јавниот имот и решително ќе се спротивстави на секој обид за саботажа“, се вели во соопштението.

Протестите избувнаа поради зголемувањето на цените и влошувањето на животниот стандард откако вредноста на националната валута падна на рекордно ниско ниво.

Овие протести претставуваат најголеми демонстрации во Иран од 2022 и 2023 година, по смртта на Махса Амини додека беше притворена од полицијата за морал поради наводно кршење на кодексот на облекување, јавува „Танјуг“.