Иранската Исламска револуционерна гарда (ИРГЦ) изврши напади врз „центарот за планирање на операциите“ на израелската разузнавачка агенција Мосад во Тел Авив, каде што избувна пожар, соопшти ИРГЦ.
„Воздухопловните сили на ИРГЦ, и покрај присуството на најсовремените израелски одбранбени системи, го погодија центарот за планирање на терористичките операции на Мосад во Тел Авив – овој центар моментално гори“, се вели во соопштението на ИРГЦ, пренесува новинската агенција ИРНА.
Се забележува дека иранските ракетни удари го погодиле и седиштето на израелската воена разузнавачка служба Аман, пренесува Танјуг.
Според иранските и израелските медиуми, нападот бил прецизно насочен кон зградата во која се наоѓа Мосад, како и озлогласената разузнавачка Единица 8200. Видеата што кружат на социјалните мрежи го прикажуваат моментот кога ракета погодува зграда во областа Глилот, каде што се наоѓаат клучните израелски разузнавачки структури. По ударот, густи облаци од чад се издигнаа над Херцлија и неговата околина.
Нападот доаѓа како дел од она што Техеран го нарекува континуирана одмазда на Иран за „континуираната израелска агресија и кршењето на суверенитетот на други држави“. Иранската новинска агенција Тасним објави снимка на која наводно се гледа моментот на нападот врз објект поврзан со Мосад, објави b.92.
🇮🇷 BREAKING: Major Damage Reported in Israel After Iranian Strikes — Mossad HQ Possibly Hit
Early reports indicate that today’s wave of Iranian missile and drone strikes caused significant damage in multiple Israeli locations.
Unconfirmed but widely circulating claims suggest… pic.twitter.com/rIruDSolNf
— DD Geopolitics (@DD_Geopolitics) June 17, 2025
