Иран се пофали со ново моќно оружје: Објави снимка од својата флота во подземен тунел/ВИДЕО

Иран објави видео за кое тврди дека ја прикажува својата флота од поморски дронови полни со експлозив, кои ги користи за извршување напади во Ормутскиот теснец. Иранскиот режим го затвори клучниот премин, преку кој се транспортира 20 проценти од светската нафта, а воедно ги засили нападите врз бродовите во регионот.

Во претходните пропагандни видеа, Исламската Република се фалеше со подземни тунели исполнети со поморски дронови, противбродски ракети и морски мини, покажувајќи бројни јуришни чамци како се користат за лансирање дронови кон бродовите што минуваат.

Закани за зголемување на цените на нафтата на 200 долари
Иран се закани дека ќе ги употреби своите подводни ракети, за кои вели дека ги поседуваат само Техеран и Русија, за да ги крене цените на нафтата на 200 долари за барел. Висок генерал на Исламската револуционерна гарда (ИРГЦ), Фадави, предупреди: „Имаме ракети што можат да се испукаат под вода со брзина од сто метри во секунда и би можеле да ги користиме во наредните денови“.

Претседателот на парламентот, Мохамед Багер Галибаф, рече дека Персискиот Залив ќе тече со „крвта на напаѓачите“ ако САД и Израел продолжат со своите напади. „Секоја агресија врз почвата на иранските острови ќе ги прекрши сите ограничувања. Ќе ги отфрлиме сите ограничувања и ќе ја пролееме крвта на напаѓачите во Персискиот Залив“, рече тој.

Iran published footage of underground tunnels stocked with naval drones, anti-ship missiles, and sea mines. Reuters reported, citing US officials, that Iran has mined the Strait of Hormuz with dozens of sea mines. #Iran pic.twitter.com/Kcwp5UqkXq

— NOELREPORTS 🇪🇺 🇺🇦 (@NOELreports) March 11, 2026