Инвазијата на Газа се поблиску, илјадници Палестинците бегаат

Израелската армија објави дека ги презела првите чекори од операцијата за преземање на градот Газа и дека повикала десетици илјади резервисти, додека владата истовремено разгледува нов предлог за прекин на огнот што треба да ја заврши војната што трае речиси две години.

„Ги започнавме прелиминарните операции и првите фази од нападот врз градот Газа, а сега силите на Израелските одбранбени сили ги држат предградијата на градот Газа“, изјави за новинарите бригадниот генерал Ефи Дефрин, портпарол на израелската армија.

Би-Би-Си објави дека Палестинците веќе бегаат од градот Газа и дека се очекува стотици илјади жители на главниот град на палестинската енклава да добијат наредба да се евакуираат во засолништа на југот од Појасот Газа, бидејќи се во тек подготовките за планот на Израел за преземање на територијата.

Многу од сојузниците на Израел го осудија неговиот план за таа земја, а францускиот претседател Емануел Макрон, кој, поради најавата за признавање на Палестина како држава, е во никогаш полоши односи со израелскиот премиер Бенјамин Нетанјаху, вчера предупреди дека овој план „може да доведе само до катастрофа за двете нации и ризикува да го вовлече целиот регион во циклус на постојано војување“.