Интензивно се гради новиот локален пат од клучката на обиколницата во Волково кон селото Орман, во должина од 1 700 метри.
– На површина од 10 200 квадратни метри, се трасира современ коловоз, нова комуникациска врска, која го олеснува движењето и отвора можност за развој. На овој потег е предвидена индустриска зона, која дополнително ќе го забрза економскиот развој на Општината – информираат од Општина Ѓорче Петров.
Оттаму додаваат дека градењето патна инфраструктура останува приоритет и дека инвестицискиот циклус од над 20.0000.000 денари го менува Ѓорче во вистинска урбана средина во сите делови.
