Претседателот на САД, Доналд Трамп, иницираше постапка за означување на одредени делови на организацијата „Муслиманско братство“ како странски терористички организации и како специјално назначени глобални терористи, што би довело до воведување санкции против едно од најстарите и највлијателни исламистички движења во арапскиот свет.
Според соопштението на Белата куќа, Трамп потпишал указ со кој им наложува на државниот секретар, Марко Рубио, и на министерот за финансии, Скот Бесент, да подготват извештај за тоа дали да бидат прогласени за терористички организации одделни делови на „Муслиманско братство“, меѓу кои и оние во Либан, Египет и Јордан. По доставувањето на извештајот, министрите треба да преземат активности во рок од 45 дена. Администрацијата на Трамп ги обвинува фракциите на „Муслиманско братство“ во споменатите земји дека поддржуваат или охрабруваат напади врз Израел и партнери на САД, или дека ѝ даваат материјална поддршка на палестинската вооружена група „Хамас“.
„Муслиманското братство“ е основано во Египет во 1920-тите како исламско-политичко движење за спротивставување на ширењето на секуларни и националистички идеи и брзо се прошири низ муслиманскиот свет, често дејствувајќи во сенка.
ИЗДВОЕНИ
Ни со повластена стапка не се купува стан со просечна плата
Побарана отштета за загубената надеж на 222 оштетени од коруптивниот синџир кој ги зароби младите во дискотеката на смртта
Мајката на загинатиот Томас: Судијката ни дава искра надеж
„Кермес“ 19 години зјае како сениште, а „Езерце“ стои како руина
