Јавното претпријатие за јавни паркиралишта „Паркинзи на Општина Центар“- Скопје, денеска постави нови информативни табли со современ дизајн и вграден QR-код кој овозможува едноставно и брзо плаќање на паркинг услугата со платежна картичка.
-Во рамки на напорите за дигитализација и модернизација, претпријатието денес започнува со замена на сите информативни табли со нов, модерен дизајн, како и поставување дополнителни табли за подобра информираност и полесна ориентација на корисниците. Новите табли содржат јасно означени податоци за зоните, тарифите и начинот на плаќање, а QR-кодот овозможува директен пристап до безбеден систем за електронско плаќање, без потреба од најава, регистрација или испраќање SMS порака. Со едно скенирање, корисниците можат брзо и удобно да ја извршат уплатата, што претставува чекор напред во модернизацијата на услугите за паркирање во oпштина Центар – објаснуваат од ЈП ПОЦ.
Оттаму додаваат дека воведувањето на QR-код системот е дел од нивната стратегија за дигитализација и поедноставување на услугите за граѓаните.
-Со ова решение, секој возач може за неколку секунди да го плати паркирањето без апликации, без регистрации и без дополнителни чекори. Нашата цел е да обезбедиме модерно, ефикасно и кориснички ориентирано паркирање во oпштина Центар – изјави Душко Коцевски, директор на ЈП Паркинзи на Општина Центар.
Проектот е дел од континуираните активности на ЈП ПОЦ за унапредување на јавните услуги, подобрување на искуството на корисниците и воведување на иновативни дигитални решенија во интерес на граѓаните и посетителите на општина Центар.
ИЗДВОЕНИ
ЧЕТИРИ ДЕНА ПРЕД ГЛАСАЊЕТО ВО ВТОРИОТ КРУГ НА ЛОКАЛНИТЕ ИЗБОРИ КОМБИНАТОРИКИТЕ ВО ПОЛН ЕК: Партиски мобилизации – решавачката битка за секој глас на 33 фронта!
Како да ги задржиме туристите од Србија, Албанија, Грција… кои доаѓаат да полнат бензин или во казина
Има ли пилот во авионот на Комуналец ?
Се спрема еврообврзница – ќе се троши ли домаќински или за луксузирање?
