Трошоците за живот во март забележале зголемување од 2,7 проценти на годишно ниво, а цените на мало –зголемување за 2,2 проценти, објави Државниот завод за статистика. Во однос на февруари, трошоците за живот се намалени за 1,3 проценти, а цените на мало – за 0,9 проценти.
Намалувањето на инфлацијата во март е резултат на намалувањето на трошоците за живот во делот на: храната и на безалкохолните пијалаци за 3 проценти; транспортот за 1,8 проценти; мебелот, покуќнината и одржувањето на домаќинствата за 0,6 проценти; алкохолните пијалаци, тутунот и наркотиците за 0,5 проценти и разновидните стоки и услуги за 0,3 проценти.
Зголемување на трошоците за живот во однос на февруари има во групите: домување, вода, електрика, гас и други горива и облека и обувки за 0,4 проценти; ресторани и хотели за 0,3 проценти; комуникации и здравје за 0,2 проценти и рекреација и култура за 0,1 процент. Во групата образование, трошоците за живот остануваат на исто ниво како и во претходниот месец.
ИЗДВОЕНИ
Тошковски откри детали: Имало пријава за расправија неколку часа пред трагедијата во Карпош – 10 пријави против сопругот во изминатите две години
Наместо статус „професионални возачи“, македонските шофери ќе вадат Д-визи за престој во Шенген
Затворено небо, неизвесно враќање: 473 македонски државјани побарале помош во загрозените подрачја во Тел Авив, Доха и Абу Даби
Полицајците обвинети дека замижувале на работата на “Пулс” не се чувствуваат виновни
