Индиската влада објави дека ќе ги ограничи поставките за температура на новите клима уреди за да заштеди електрична енергија во земјата, која е најбрзорастечкиот пазар за апарати за домаќинство.
Индискиот министер за енергетика, Манохар Лал Хатар, во јуни предложи регулатива со која ќе се спречи термостатот на клима уредите што се продаваат во земјата да биде поставен на вредност пониска од 20 степени Целзиусови.
Најниската температура на која моментално можете да го поставите термостатот во Индија е 17 степени Целзиусови.
Официјалните лица се надеваат дека промената ќе донесе големи заштеди на енергија во земјата со повеќе од 1,4 милијарди луѓе. Тие наведуваат дека за секое ниво на климатизерот се заштедува околу шест проценти енергија.
Во Индија годишно се продаваат помеѓу 10 и 15 милиони клима уреди, бидејќи приходите и урбанизацијата се зголемуваат со температурата на воздухот.
Лал Катар рече дека новата регулатива ќе стапи на сила наскоро, без да прецизира кога.
Предлогот предизвика мешани реакции кај луѓето што живеат во жешките индиски градови.
