Димна бомба беше фрлена врз холандскиот премиер Дик Шуф и неговиот полски колега Доналд Туск за време на прославата на Денот на ослободувањето во холандскиот град Вагенинген, јавија холандските медиуми.
Димна бомба беше фрлена на бината додека зборуваше Туск, кој беше поканет да учествува на прославата, објави телевизијата НОС.
Чуварите веднаш ги изведоа двајцата премиери од бината, се вели во извештајот.
Туск за новинарите по инцидентот изјави дека никој не е повреден.
Претходно истиот ден, пропалестинските демонстранти го прекинаа говорот на холандскиот министер за одбрана Рубен Брекелманс за време на друг свечен настан во Вагенинген, извикувајќи „Слободна Палестина!
Според локалната полиција, уапсени се пет активисти.
Холандија го слави Денот на ослободувањето на 5-ти мај во чест на крајот на нацистичката окупација во 1945 година.
Najprawdopodobniej na scenę podczas przemówienia premiera Holandii Dicka Schoofa oraz stojącego obok niego premiera Polski Donalda Tuska bombę dymną wrzuciła osoba z grupy, która na obchodach Dnia Wyzwolenie protestowała przeciwko wojnie w Gazie. pic.twitter.com/kB3dTRAM87
— Patryk Kulpok (@PKulpok) May 5, 2025
