Инцидент во Париз: Музејот „Лувр“ е затворен по грабеж, во тек е полициска истрага/видео

Музејот Лувр во Париз е затворен по грабеж, објави француската министерка за култура, пренесува „Би-би-си“.

Рашида Дати напиша на мрежата „Икс“, како што објави овој британски медиум, дека грабежот се случил во недела наутро, додека музејот се отворал. Таа рече дека била на местото на настанот, каде што полицијата истражува.

Снимките на социјалните мрежи покажуваат дека обезбедувањето и посетителите се заклучени во музејот Лувр по грабежот, објави „Би-би-си“.

Музејот потврди дека ќе биде затворен денеска „од исклучителни причини“, без дополнително објаснување. Според различни француски медиуми, украдени се парчиња накит, се наведува во текстот.

Security and members of the public locked inside the Louvre after its robbery today #louvre #paris #robbery pic.twitter.com/ai6v4htlmy

— tom (@whatyouthinktom) October 19, 2025

Деталите се уште се нејасни, објави „Би-би-си“, но француските медиуми објавија дека тројца маскирани мажи влегле во Лувр кратко по отворањето на музејот утрово.

Се вели дека користеле товарен лифт за да стигнат до галеријата Аполо, која се наоѓа на страната на Сена од музејот.

Се вели дека во таа раскошна просторија се сместени преостанатите парчиња француски кралски накит.

Се вели дека крадците биле вооружени со мали моторни пили.

Тие зеле девет парчиња накит и избегале со мотоцикл. Проценката на вредноста на украдените предмети е во тек, објави „Би-би-си“.

Лувр е најпосетуваниот музеј во светот и во него се сместени многу познати уметнички дела и други вредни предмети.