Инцидентот се случил вчера попладне, во близина на полициска станица. Полицијата го пронашла момчето со повреди на ногата на местото на настанот и му укажала прва помош додека не пристигнала брзата помош, која го однела во болница.
Истрагата утврдила дека пукотницата се случила во паркот Боневи во Моленбек, каде што биле пронајдени траги од куршуми и чаури. Обвинителството наредило неколку истражни мерки, вклучувајќи анализа на снимки од безбедносните камери, балистика и ангажирање на судски лекар.
Според весникот „Laatste Nieuws“, двајца маскирани напаѓачи отвориле оган, а потоа избегале од местото на настанот, предизвикувајќи паника. Жртвата се обидела да избега, но набрзо паднала.
Истрагата е во тек, а обвинителството засега не дава повеќе детали за да не се наруши постапката, објави „Брисел тајмс“.
