Имунитет како челик, варењето работи како часовник, а вкусот е фантастичен: Рецепт за домашен напиток од дуња

Најдобриот домашен сок што можете да го направите.

Сокот од дуња, направен од ова ароматично овошје со блага киселост, е идеален пијалок за зајакнување на телото. Дуњата е богата со витамин Ц и антиоксиданси, а со своите антиинфламаторни својства помага за подобро варење и појак имунитет, што го прави овој сок вистински избор за подобро здравје.

Освежителен и полн со уникатна арома, овој сок лесно може да се подготви дома.

Состојки:

– 1 кг дуња
– 1 литар вода
– 200-300 г шеќер (или по вкус)
– сок од 1 лимон (по желба)

Подготовка:

Измијте ги, излупете ги и извадете ги семките од дуњите. Исечете ги на парчиња. Ставете ги парчињата дуњи во голем сад и покријте ги со 1 литар вода. Гответе на средна температура додека дуњите не омекнат (околу 30-40 минути).

Кога дуњите ќе омекнат, користете цедалка или газа за да го процедите сокот. Добро притиснете за да добиете што е можно повеќе течност.

Додадете шеќер по вкус и, по желба, сок од лимон во добиениот сок. Загрејте го сокот додека шеќерот не се раствори, но не го варете.

Истурете го топлиот сок во чисти, стерилизирани шишиња и цврсто затворете ги. Можете да го чувате сокот во фрижидер или да го пастеризирате за подолго складирање.

Дополнителен совет:

Сокот од дуњи може да биде одличен освежителен пијалок, а можете да го послужите и со малку мраз или да го користите како додаток во коктели.