Имигрантите потешко наоѓаат работа и се помалку платени од домашните работници. Ова го покажа нова студија на Организацијата за економска соработка и развој (ОЕЦД). Проблемот е особено изразен во Германија.
Стапката на вработеност на имигрантите во 2024 година изнесуваше 69,6 проценти, што е за 10,3 проценти помалку од уделот на вработените домашни работници. Меѓу 38-те земји-членки на ОЕЦД, поголем јаз од Германија е забележан само во Турција и Холандија.
Меѓу висококвалификуваните имигранти, јазот во Германија е околу 15 проценти, што авторите на студијата го објаснуваат со ограниченото признавање на дипломите и квалификациите добиени во други земји.
Покрај тоа, просечната заработка на имигрантите во земјите на ОЕЦД е за 34 проценти пониска од онаа на домашните работници од иста возраст и пол. Во Германија, разликата во заработката достигнува 43 проценти.
„Ова е делумно последица од тоа што имигрантите се почесто вработени на помалку платени работни места“, рече генералниот секретар на ОЕЦД, Матијас Корман, на презентацијата на студијата.
