Илјадници луѓе протестираат во Рим против војната во Газа: Ја запеаја и „Бела чао“

Илјадници луѓе се собраа денес на еден од главните плоштади во Рим за да протестираат против војната во Појасот Газа, каде што изразија поддршка за Палестина и побараа воведување санкции врз Израел.

Трите најголеми опозициски партии, Демократската партија, Движењето Пет ѕвезди (M5S) и AVS, со учество на други групи, објави „Кориере дела Сера“.

Пратеникот Анџело Бонели повика на воведување санкции врз Израел, но и на казнување на италијанскиот министер за транспорт Матео Салвини, за ракување со израелскиот премиер Бенјамин Нетанјаху за време на посетата на Израел, велејќи дека десничарскиот министер е „срам за Италија“.

„Сакаме да ја трансформираме Италија во гарнизон на човештвото, беа кажани клеветнички работи, но вие сте одговорот, никогаш не беа упатени клеветнички зборови кон нас кои се боревме против расизмот и антисемитизмот. Ова беше начин да им се даде алиби на оние кои градат истребување во Газа“, рече Бонели.

На „Пјаца Сан Џовани“, толпата скандираше „Израел е ционистичка држава“, мавтајќи со палестински знамиња, а во еден момент пееја и „Бела чао“.

Дополнително, некои од толпата носеа транспаренти на кои беа прикажани Нетанјаху и нацистичкиот диктатор Адолф Хитлер, споредувајќи го ционизмот со нацизмот.

Неколку стотици луѓе се собраа пред римска синагога за да ја покажат својата поддршка за Израел, барајќи уништување на Хамас и враќање на заложниците.