Кошаркарот на Фенербахче, Николо Мели, беше среќен што ја освои Евролигата со турскиот тим. Фенер го победи Монако во финалето и ја освои втората титула во историјата на клубот, а Мели успеа да стане европски шампион во својот втор мандат во сино-жолтиот дрес.
Италијанскиот кошаркар играше за Фенербахче од 2017 до 2019 година и постигна 28 поени во поразот од Реал Мадрид во финалето во 2018 година, што тогаш беше рекорд на Фајнал Фор, отиде во НБА, се врати во Милано и конечно годинава го освои трофејот.
Оттука и солзите радосници непосредно пред крајот на финалето и прегратката со тренерот Шарунас Јасикевичиус.
„Бев толку среќен. Бев блиску до освојување на Евролигата два пати, но оваа шанса ми се укажа. Па, да бидам искрен, имам 34 години, па шансите со текот на времето се се помали“, рече Мели и додаде:
„Џанлука Базиле ми испрати порака и ми рече: „Играј добро, бидејќи си стар и вратата полека се затвора“. Се прашав, каква порака е ова? Но, знаете, вистина е. Знам дека секоја година шансите се сè помали. Па имав среќа, се чувствувам добро, но никогаш не знаеме кога ова би можело да се промени“.
Напуштањето на Милан и враќањето во Фенербахче минатото лето се покажа како клучно за Мели.
„Да се вратиш во Фенербахче на неочекуван начин и да можеш да победиш од првиот обид, тоа е едноставно неверојатно“, рече Мели.
