Играч со нож забоде двајца соиграчи

Вознемирувачката вест доаѓа од НЦАА, поточно од Универзитетот Алабама во Бирмингем. Според „ЕСПН“, еден фудбалер на УАБ нападнал двајца свои соиграчи со нож во тренинг-центарот, само неколку часа пред натпреварот против Јужна Флорида.

Напаѓачот, чиј идентитет не е објавен, веднаш бил приведен, додека повредените играчи биле итно префрлени во болница. Нивната состојба е стабилна, соопшти универзитетската администрација, која не ги откри имињата на учесниците во инцидентот.

И покрај сè, УАБ не го одложи натпреварот и тимот ќе излезе на теренот во закажаното време. Истрагата е во тек, а колеџот вели дека безбедноста на спортистите е нивниот апсолутен приоритет.