Командант на Хамас, кој планирал напади, е убиен во израелски напад врз централниот дел на Појасот Газа, соопшти денеска израелската армија (ИДФ).
Во соопштението се наведува дека командантот на Хамас бил цел на нападот во областа Деир ал-Балах, каде што се „криел во непосредна близина на болницата ’Мачениците од Ал-Акса‘“, пренесува „Тајмс оф Израел“.
ИДФ во своето соопштение наведе дека нападот бил изведен со цел да се минимизира ризикот за цивилите во таа област.
„Ова е уште еден пример за циничното користење на хуманитарната инфраструктура од страна на Хамас и неговото систематско позиционирање во рамките на медицинските установи за спроведување терористички активности“, се вели во соопштението на ИДФ.
Беше истакнато дека убиениот командант на Хамас неодамна работел на организирање напади врз израелски војници и цивили, како и на обновување на капацитетите на Хамас, „во услови на систематско кршење на прекинот на огнот“.
„Нападот беше изведен за да се елиминира заканата“, соопшти израелската армија.
ИЗДВОЕНИ
Живописноста на Матка – неисцрпен туристички потенцијал
ЧУДОТО ОД ЦРНИЧЕ – ОД ЗАБОРАВЕН ПОДРУМ ДО СВЕТА РЕЛИКВИЈА: Пред иконата на Пресвета Богородица што плаче, молитви стигнуваат од целиот свет
Предание за чудесната икона што излегла од пламенот и го спасила селото од чума: Богородица – едно село, една богомајка, вековна легенда
АХВ ги засилува теренските активности: Вонреден надзор и тестирања за детекција на вирусот на Западнонилска треска кај птиците
