Идентификуван е убиениот маж во Минеаполис: 37-годишен медицински работник и американски државјанин

Човекот застрелан од федералната полиција во Минеаполис е идентификуван како Алекс Прети, 37-годишен жител на Минеаполис, изјавија за CNN државни и федерални претставници. Прети, кој беше ранет, а подоцна почина во инцидент во кој беа вклучени повеќе федерални агенти, работеше како медицинскo лице на одделението за интензивна нега. Неговите родители го потврдија тоа за Асошиејтед Прес.

Шефот на полицијата во Минеаполис, Брајан О’Хара, не го идентификуваше човекот на прес-конференцијата, освен што рече дека станува збор за 37-годишен жител на Минеаполис за кој полицијата „верува“ дека е државјанин на САД.

Одделот за внатрешна безбедност наведе дека тој „се спротивставил насилно“ кога полицајците се обиделе да го разоружаат, а агентот го застрелал во самоодбрана.

Пукањето во саботата е трето пукање во кое се вклучени федерални агенти во Минеаполис, град во кој се случија бројни протести и демонстрации како одговор на пукањата и федералните мерки за имиграција.

На 7 јануари, агент на Службата за имиграција и царина смртоносно ја застрела Рене Гуд, 37-годишна мајка на три деца, предизвикувајќи национални протести.

Една недела подоцна, агент на Службата за имиграција и царина застрелал венецуелски имигрант во ногата по она што го нарекле „целна сообраќајна контрола“.

Предупредување: Видеото е ВОЗНЕМИРУВАЧКО.

The video below has just been linked to an article by the Minnesota @StarTribune and it shows at least six masked agents wrestling a man to the ground before shooting him multiple times in Minneapolis this morning.

Another ICE shooting. https://t.co/usmanlPcyR pic.twitter.com/59q0sopBCT

— Amee Vanderpool (@girlsreallyrule) January 24, 2026