ИБРА: Тој е најдобриот играч на светот, се криев за да го гледам

Специјалното издание на емисијата „Шампионски неуспех“ што го водеше порнешниот селектор на Хрватска, Славен Билиќ, привлече големо внимание, а причината беше гостинот што пристигна во студиото, легендарниот Златан Ибрахимовиќ.

Овој специјал беше со нетрпение очекуван, а во првиот дел од интервјуто, Ибрахимовиќ зборуваше за своето детство.

Тој се осврна на своите први чекори во Малме, неговите први фудбалски тренинзи, неговите натпревари

Како и сите млади спортисти, Ибраимовиќ имал свои идоли како момче, а подоцна и како тинејџер.

Познато е дека Ибрахимовиќ претходно признал дека Бразилецот Роналдо му бил играчки пример, а сега идентификува уште еден спортски великан.

„Го гледам Мухамед Али на телевизија, телевизорот не беше во боја, тогаш беше црно-бел, гледам како зборува, не беше арогантен, а како момче веднаш почнав да се прашувам кој е тој“, изјави Ибрахимовиќ и додаде:

„Реков дека сакам да бидам како него, но во фудбал. Почнав да гледам фудбал, а потоа го видов Бразилецот Роналдо. Кога ќе видите играч како него, почнувате да го правите она што го прави тој, тој е најдобриот играч во светот на сите времиња. Има одлични играчи, но за мене Роналдо беше најдобриот на сите времиња“. .

Популарниот Ибракадабра откри и како ги следел игрите на Роналдо.

„Во тоа време немаше социјални мрежи, одев во библиотеката да барам видеа од Роналдо. Се криев за да ги гледам неговите дриблинзи, за да ги научам тие финти. На крајот, некако го изградив мојот стил преку Али и Роналдо“, додаде Златан.

Во 2001 година, Златан Ибрахимовиќ го напушти Малем за Ајакс, по што започна неговиот подем во фудбалскиот свет.

Веќе во 2004 година, тој го смени дресот на Ајакс со дресот на Јувентус, а потоа играше за Интер, Барселона, Милан, ПСЖ, Манчестер Јунајтед, ЛА Галакси.

Својата играчка кариера ја заврши во 2023 година во дресот на Милан на 41-годишна возраст.