По повод одбележувањето на Неделата на борбата против гладот, в четврток и в петок, од 11:00 до 13:00 часот, на плоштадот „Павел Шатев“ во Кратово, волонтерите од училишните клубови на Црвениот крст на ООУ „Кочо Рацин“ и СОУ „Митко Пенџуклиски“ ќе постават хуманитарен штанд за собирање храна, со цел да се подигне свеста за проблемот со гладот и со сиромаштијата.
– Секогаш твојата мала донација може да значи многу за некој што нема доволно храна. Секој пакуван оброк, секој килограм храна е чекор поблиску до решавање на проблемот со гладот – потенцираат од Општина Кратово.
На штандот, граѓаните ќе може да донираат: трајни прехранбени производи (брашно, ориз, тестенини, конзерви, шеќер, масло и др.), како и производи за лична хигиена.
Сите собрани производи ќе бидат поделени на семејства во социјален ризик.
ИЗДВОЕНИ
Плаќаме парно, а се грееме под ќебе!
НОВИ ПРЕДЛОЗИ ЗА ВЕРСКО ОБРАЗОВАНИЕ ВО УЧИЛИШТАТА: Етиката во религиите задолжителен изборен предмет?
КАЈА ШУКОВА, КАНДИДАТКА ЗА ГРАДОНАЧАЛНИЧКА НА ГРАД СКОПЈЕ ОД КОАЛИЦИЈАТА ПРЕДВОДЕНА ОД СДСМ: Градот е чист онолку колку што му овозможуваат институциите на граѓанинот да биде совесен
ИЗБОРНАТА ТРКА ВЛЕГУВА ВО ПОСЛЕДНИТЕ 72 ЧАСА: Фрчат ветувања за сè и сешто, па дури и за картички за попусти, парични повојници, стипендии…
