Хрватската кошаркарска репрезентација беше на еден чекор до „двојна“ победа над Германија во квалификациите за Светското првенство во кошарка 2027 година. Откако славеше со 93:88 во Загреб, Хрватска беше блиску до повторување на истото и во Бон, но успеа да загуби на неверојатен начин, по продолжението. На крајот, 91:89 за светскиот и европски шампион.
Хрватска имаше водство од 15 поени во третата четвртина, а на три и пол минути до крајот, водството сè уште беше двоцифрено – плус 10. Дури и тоа не беше доволно за Хрватите, кои на крајот мораа да излезат од терен со спуштена глава. Откако едвај стигнаа до продолжение со тројката на Марио Хезоња, тие не успеаја да им парираат на Германците во продолжението.
Најефикасен играч за „панцирите“ беше Јоханес Тиман со 24 поени и 12 скока, Оскар да Силва додаде 15, а Џек Кајил 14. За Хрватска, Марио Хезоња постигна 30 поени, а имаше и седум скока и три асистенции.
Хрватска е сè уште лидер во оваа група со скор од 3:1, исто како и Германија, но со послаба бодовна разлика, по што следуваат Израел со 2:2 и Кипар со 0:4.
ИЗДВОЕНИ
И 35-годишната Марија Маринковска е жртва на серискиот убиец, потврди Обвинителството
Нападот врз Иран ги тресе пазарите: Колку може да поскапи нафтата?
Во Ормутскиот теснец сè стои: Закотвени се стотици танкери, транспортот на 20% од светската нафта е во опасност
Сиљановска-Давкова по седницата на Советот за безбедност на Македонија: Состојбата е стабилна и нема опасност по безбедноста внатре и во регионот
