Најмалку 128 лица загинаа, а 150 се водат како исчезнати во еден од најкатастрофалните пожари што го погодија Хонг Конг, додека илјадници луѓе положија цвеќе на импровизиран споменик пред изгорениот станбен комплекс денес.
Спасувачите сè уште бараат десетици лица исчезнати во урнатините, а неколку вреќи за тела се извлечени од комплексот само денес, објави АП.
Осумте згради во комплексот Ванг Фук Корт што изгореа беа покриени со бамбусови скелиња и најлонски мрежи за реновирање, а прозорците беа запечатени со полистиренски панели.
