Хеликоптер се урна кај Донкастер само минути по полетување: Едно лице загина, трojца се повредени/ФОТО

Седумдесетгодишен маж загина откако хеликоптер се урна на поле во близина на Донкастер, соопшти полицијата на Јужен Јоркшир.

Мажот се здобил со сериозни повреди во несреќата и и покрај напорите на болничарите, тој бил прогласен за мртов на местото на настанот, соопшти полицијата.

Пилотот, 41-годишен маж, и уште двајца патници, 58-годишна жена и 10-годишно момче, се здобиле со полесни повреди.

Покрената е паралелна истрага помеѓу Одделот за истрага на воздушни несреќи (AAIB) и полицијата на Јужен Јоркшир, објави Скај њуз.

Полицијата претходно соопшти дека приватен хеликоптер се урна во близина на Донкастер во Јужен Јоркшир денес, а полицијата и службите за итни случаи се на местото на настанот.

Инцидентот се случил околу 10:14 часот по локално време, кога хеликоптерот се урна на поле во близина на Ингс Лејн, во областа Бентли.

Полицијата ги замоли граѓаните да ја избегнуваат областа додека траат истрагите.

Според објавените фотографии, леталото лежи настрана во поле, а полициски и противпожарни возила се на местото на настанот.

Според податоците од веб-страницата Flightradar24, приватен хеликоптер полетал од аеродромот „Гемстоун“ во близина на Ретфорд, кратко пред несреќата.

Аеродромските власти потврдија дека леталото му припаѓало на еден од станарите на базата, но не дадоа дополнителни детали.

Одделот за истрага на воздушни несреќи (AAIB) соопшти дека е запознаен со инцидентот и дека на местото на настанот е испратен тим истражители за да ја утврди причината за несреќата.

🚨 Helicopter crashes into a field near Doncaster just minutes after take-off.#Doncaster #Helicopter pic.twitter.com/duolzVQeh8

— Maham Awan (@awanmaham_) October 30, 2025