Пожарот во НП „Јасен“ кој гори со денови, а беше ставен под контрола, во текот на вчерашниот ден повторно покажувал знаци на горење.
Директорот на Дирекцијата за заштита и спасување (ДЗС), Стојанче Ангелов, изјави дека токму заради тоа, рано изутринава екипи од НП „Јасен“ и на Дирекцијата за заштита и спасување успеале по двочасовно искачување кај езерото да се пробијат до местото каде што затекнале активен оган.
– Од нивна страна околу пожарот беше направен противпожарен појас, а веднаш беше повикана поддршка од еден полициски хеликоптер и „ер-трактор“ на Дирекцијата за заштита и спасување – истакна Ангелов.
Според него, во текот на денешниот ден имало еден активен пожар во селото Долнени, каде гореле трева, грмушки и ниска вегетација, а на местото дошле прилепските пожарникари.
Од Центарот за управување со кризи информираат дека денеска изгаснат бил еден пожар во Куманово, на улица „60“ до железничката станица.
ИЗДВОЕНИ
ЖИВОТНИ ПАТОКАЗИ, ЗОРАН КРСТЕВСКИ: „Кутриот јас“
Веднаш по изборите ќе има реконструкција и подобрување на капацитетите на Владата, ниту една функција не е вечна, најави Мицкоски
Почнува јавниот увид во Избирачкиот список за локалните избори
Тетовка спакувала 27 илјади евра и од балкон ги фрлила кон измамникот
