Хаос во Романија по победата на Никушор Дан: Граѓаните со радикални потези – ги сечат пасошите, најавуваат откажување од романското државјанство/ВИДЕО

По претседателските избори во Романија, ситуацијата во земјата стана хаотична. Многу граѓани, незадоволни од победата на проевропскиот кандидат Никушор Дан, реагираа на радикален начин. На снимките кои се појавија на социјалните мрежи се гледа како некои граѓани си ги уништуваат пасошите, а некои дури најавија дека ќе се откажат од романското државјанство.

Според извештајот на телевизискиот канал RT, незадоволните граѓани повикуваат на револуција и бараат политички азил во Русија и други земји. Во пораките на социјалните мрежи, револтираните гласачи ја изразуваат својата намера „да тргнат по патот на егзилот“ и да „отфрлат се што е романско“.

Лидерот на опозициската партија „Алијанса за единство на Романците“ (АУР), Ѓорѓе Симион, кој беше втор на изборите, им се обрати на своите поддржувачи преку социјалните мрежи. Тој изрази загриженост за снимката на која луѓето плачат и си ги сечат пасошите. Симион ги повика граѓаните активно да учествуваат во политичкиот живот и да се борат за Романија, наместо на деструктивни потези. Неговиот апел укажува на потребата од политички ангажман и единство меѓу граѓаните.

Во вториот круг од изборите Никушор Дан освои 53,60 отсто од гласовите, додека Ѓорѓе Симион 46,40 отсто. Симеоне го призна поразот, но пред тоа го обвини францускиот претседател Емануел Макрон за мешање во изборите, тврдејќи дека францускиот амбасадор се обидува да ги убеди локалните власти да го поддржат Дан.

Никусор Дан, кој претходно беше градоначалник на Букурешт, е познат по неговата поддршка за европската интеграција и зајакнувањето на односите со НАТО и САД. Тој планира да ги зголеми воените трошоци и да формира оперативни сили за борба против хибридните закани. Неговата визија вклучува и модернизација на разузнавачките капацитети со помош на вештачка интелигенција, што укажува на амбиција да ја вклучи Романија во современите безбедносни структури во Европа. Овие иницијативи веројатно ќе ја обликуваат иднината на земјата и нејзиниот однос со надворешните закани.